1. Eskatzailearen NAN fotokopia bat gehitu behar da. Azken hiru urteetan arrantza egiteko baimenak eskatu dituztenak salbu.
2. Adin txikiko kasuetan, aitaordearen NAN gehituko da.
3. Edozein barrutiko auzokoa bazara eta barruti horretako baimen bat lortzeko aukera izan nahi baldin baduzu, eskaerarekin erroldaketa ziurtagiri bat aurkeztu behar duzu.
4. Baimenen salneurrian deskontua nahi duten Euskal Autonomi Erkidean federatuek indarrean dagoen Federazio-baimenaren fotokopia bat gehitu beharko diote eskabide-inprimaki honi.
5. Eskaera bat baino gehiago egiten badu arrantzale batek, zozketatik kanpo geratuko da.
6. Baimenen zozketatik kanpo geratuko dira aurreko denboraldiko harrapaketa-parteren bat entregatu ez duten arrantzaleak, edo arrantzan egiteko araudiko arauren bat hausteagatik, arrantzarako lizentzia kenduta daukatenak.
7. Nahiz eta eskaerak independenteak izan, batzuk elkarrekin aurkeztu nahi baduzu, hauek jarraian erregistratuko dira. Gero baimenak telefonoz eskatzerakoan hauetariko batek egin dezake besteen ordezko bezala.

Zozketa egin eta gero (2010eko apirilaren 15ean), postaz jakin araziko die arrantzaleei emaitza, telefonoz baimenak eskatzeko data eta ordua aipatuz. Gutun honetan bertan, dauden barrutiak, eskatzaile bakoitzak har dezake baimen kopurua eta baimenen salneurria aipatuko dira.

Eskatzaileak baimenak aukeratu ondoren eta dagozkion ordainketak egin eta gero ( banku bidezko transferentzia, banku sarrera edota banku helbiderapena), postaz bidaliko zaizkie arrantzalearen helbideari, ordainduak dauden baimenak.

Amuarrainak arrantzatzeko egiten ez dugun bezala, karramarro arrantzatzeko soberan geratuko diren baimen guztiak, data zehatz batean jartzen dira salmentan.

Berehalako espedizioaren lehenengo bi astetan, arrantzale bakoitzak har dezakeen baimen kopurua mugatzen da, arrantzale guztientzako baimenak izateko asmoz. Bi aste hauek pasa eta gero, geratzen diren baimenak, inongo mugarik gabe saltzen dira.

2010eko denboraldirako honeko egutegi hau aurreikusi da (behin-behinekoa da momentuz):
06/03tik 06/16a arte: Karramarro GORRIren baimenen berehalako espedizio MUGATUA.
06/10etik 06/23a arte: SEINALEDUN karramarroren baimenen berehalako espedizio MUGATUA.
06/17tik aurrean: Karramarro GORRIren baimenen MUGARIK GABE berehalako espedizioa.
06/24tik aurrean: SEINALEDUN karramarroren baimenen MUGARIK GABE berehalako espedizioa.

Urtero alda daitezke berehalako espedizioaren mugak, libre geratu diren baimenen kopurua arabera. Hona hemen 2010eko denboraldirako jarritako datak eta mugak.

2010. URTEKO BEREHALAKO ESPEDIZIOAN

Karramarro gorria. :
06/03tik 06/16a arte, biak barne (goizeko 11:00etatik aurrean), muga hauekin.:
        Pertsona bakoitzak gehienez 3 baimen
        Hiru baimen horietako, larunbatetan, igandeetan edo jaiegunetan, gehienez baimen bat.
Ekainaren 17tik aurrean mugarik gabe.

Seinaledun karramarroa:
06/10etik 06/23a arte, biak barne (goizeko 11:00etatik aurrean), muga hauekin:
        Pertsona bakoitzak gehienez 4 baimen
        Lau baimen horietako, larunbatetan, igandeetan edo jaiegunetan, gehienez bi baimen.
        Errepika daiteken barrutia bakarra Zadorra da
Ekainaren 24tik aurrean, mugarik gabe.

Libre geratzen diren baimenak barrutietan karramarroak arrantzatzeko, eguneratua egoten ohi da artxibo honetan begiratu dezakezu.

Berehalako espedizioaren salmenta Arabako Arrantza Lurralde Federakuntzaren lokaletan lanegunetan izango da, astelehenik ostirala arte, goizez 10:00etatik 13:00etara eta 15:00etatik 20:00etara arratsaldez (abuztuan 100:00etatik 13:30etara). Telefonoz ere baimenak eskatzeko aukera dago (945-138435). Bai Gasteizen bizi direnek, bai Gasteiztik kanpo bizi diren guztiek, baimenak telefonoz eskatzeko aukera dute, baina, Gasteiztik kanpo bizi direnei baino ez zaizkie eskatutako baimenak bidaliko. Gasteizen bizi direnak, Arabako Arrantza Lurralde Federakuntzaren lokaletara hurbildu behar dira baimenak jasotzeko. (Gasteizen bizi direnei, ezinbestekoa ez bada, ez zaizkie baimenak bidaliko)

Telefonoz eskatutako baimenak 48 orduz gordeko dira. Epe hau luza ezina da. Aipatutako epean, telefonoz eskatutako baimenak ordaintzen ez badira (helbiderapenaren bidez, eskuraz, edota banku transferentziaz), baimenak jadanik baliogabeturik geratuko dira eta edonork har ditzake baimen horiek.

Baimenak ez dira bidaliko dagokion ordainketa egiaztatu arte: Federakuntzako lokaletan ez dago arazorik, ordaindu baitezake, bai eskudirutan, bai banku-txartelaz, eta baimenaren ematea bat-batean izango da. Baina Gasteiztik kanpotik telefonoz eskatzen diren baimenak, lehenbailehen ordaintzea gomendatzen da (hurrengo goizean, eta ahal bada 11:00 baino lehen) Guk egunero ordenagailuaren bidez ordainketa guztiak egiaztatzen ditugu, horrela telefonoz eskatzen diren baimenak egun berean edo hurrengo egunean posta-zerbitzuan egon daitezke. Gehienetan bidalketak ez dituzte irauten hiru egun baino gehiago, salbuespen bat edo beste izan ezik.

Badago ere, baimenak ordaintzeko beste era bat, baina horretarako zure kontu korronte zenbakia eman behar diguzu eta horrela guk helbiderapenaren bidez kobratzen dizkizugu baimenak. Helbiderapena itzultzen badigute bankutik, gure datutegian marka jarriko genuke eta arrantzale horrek ezin izango du berriro metodo honen bidez baimenik eskatu. Aipatu dugun metodoa azkarragoa eta erosoagoa da Arabatik kanpo bizi direnentzat, askotan ez baitira Vital Kutxako sukurtsalik aurkitzen.