Arabako Arrantza Lurralde Federatzioa

ZOZKETA OROKORRA:

Urtero abendua bitartean, hurrengo denboraldian esparruetan amuarrainik arrantzatzeko baimenen zozketan parte hartzeko eskariak prest daude. Eskatzaile bakoitzak eskari bat bete behar du hurrengo arauen arabera:

Eskatzailearen NAN fotokopia bat gehitu behar da. Azken hiru urteetan arrantza egiteko baimenak eskatu dituztenak salbu.
Adin txikiko kasuetan, aitaordearen NAN gehituko da.
Edozein barrutiko auzokoa bazara eta nahi baldin baduzu barruti horretako baimen bat lortzeko aukera izan, eskaerarekin erroldaketa ziurtagiri bat aurkeztu behar duzu.
Eskaera bat baino gehiago egiten badu arrantzale batek, zozketatik kanpo geratuko da.
Arrantzale federatua baldin bazara eta baimenen deskontua izan nahi baduzu, eskaerari eguneratua den federatiba-txartelaren fotokopia bat gehitu behar diozu.
Baimenen zozketatik kanpo geratuko dira aurreko denboraldiko harrapaketa-parteren bat entregatu ez duten arrantzaleak, edo arrantzan egiteko araudiko arauren bat hausteagatik, arrantzarako lizentzia kenduta daukatenak.
Nahiz eta eskaerak independenteak izan, batzuk elkarrekin aurkeztu nahi baduzu, hauek jarraian erregistratuko dira. Gero baimenak telefonoz eskatzerakoan hauetariko batek egin dezake besteen ordezko bezala.

Zozketa egin eta gero (urtarrilaren erditsuan izaten ohi da), postaz jakin araziko die arrantzaleei emaitza, telefonoz baimenak eskatzeko data eta ordua aipatuz. Gutun honetan bertan, dauden barrutiak, eskatzaile bakoitzak har dezake baimen kopurua eta baimenen salneurria aipatuko dira.

Eskatzaileak baimenak aukeratu ondoren eta dagozkion ordainketak egin eta gero ( banku bidezko transferentzia, banku sarrera edota banku helbiderapena), postaz bidaliko zaizkie arrantzalearen helbideari, ordainduak dauden baimenak.

BEREHALAKO EZPEDIZIOA:

Arrantzaren denboraldia hasi baino lehen, ia barruti guztietako eta abila epearen data guztietako portzentaia zehatz bat berehalako espediziorako gordetzen da. Hauei gehitzen zaie zozketan soberan geratzen diren baimen guztiak eta Laguntzaile Elkarterako erreserbatik soberan geratuko direnak ere bai..

Berehalako espedizioa, gehienez zazpi egun aldez aurretik egiten da. Hau da, adibidez, martxoaren 23rako berehalako espedizioan ditugun baimen guztiak, martxoaren 16an jarriko dira salmentan (zazpi egun lehenago), martxoaren 24rako baimenak, martxoaren 17an izango dira salmentan eta horrela hurrenez hurren.

Salmenta eguna larunbata, igandea edo jaieguna bada, hurrengo laneguna arte atzeratuko da. Esate baterako, martxoaren 22rako (larunbata) baimenak, salmentan jarri behar ziren 15ean, baina larunbata denez atzeratuko da hurrengo laneguna arte, hau da, 17arte (astelehena).

Berehalako espedizioaren salmenta Arabako Arrantza Lurralde Federakuntzaren lokaletan lanegunetan izango da, astelehenik ostirala arte, goizez 10:00etatik 13:00etara eta 15:00etatik 20:00etara arratsaldez. Telefonoz ere baimenak eskatzeko aukera dago (945-138435). Bai Gasteizen bizi direnek, bai Gasteiztik kanpo bizi diren guztiek, baimenak telefonoz eskatzeko aukera dute, baina, Gasteiztik kanpo bizi direnei baino ez zaizkie eskatutako baimenak bidaliko.

Gasteizen bizi direnak, Arabako Arrantza Lurralde Federakuntzaren lokaletara hurbildu behar dira baimenak jasotzeko. (Gasteizen bizi direnei ez zaizkie baimenak bidaliko ezinbestekoa ez bada)

Telefonoz eginda baimenak gordetzeak 48 orduz luzaezinezko balioa du. Behin epea bukatuta eta eskatutako baimenak ordaindu barik badaude, ( bai eskura, bai banku sarrera edota banku helbiderapena bidez) deuseztatuta geratuko da erreserba eta edonork eska ditzake baimen horiek.

Baimenak ez dira bidaliko dagokion ordainketa egiaztatu arte: Federakuntzako lokaletan ez dago arazorik, ordaindu baitezake, bai eskudirutan, bai banku-txartelaz, eta baimenaren ematea bat-batean izango da. Baina Gasteiztik kanpotik telefonoz eskatzen diren baimenak, lehenbailehen ordaintzea gomendatzen da (hurrengo goizean, eta ahal bada 11:00 baino lehen) Guk egunero ordenagailuaren bidez ordainketa guztiak egiaztatzen ditugu, horrela telefonoz eskatzen diren baimenak egun berean edo hurrengo egunean posta-zerbitzuan egon daitezke. Gehienetan bidalketak ez dituzte irauten hiru egun baino gehiago, salbuespen bat edo beste izan ezik.

Badago ere, baimenak ordaintzeko beste era bat, baina horretarako zure kontu korronte zenbakia eman behar diguzu eta horrela guk helbiderapenaren bidez kobratzen dizkizugu baimenak. Helbiderapena itzultzen badigute bankutik, gure datutegian marka jarriko genuke eta arrantzale horrek ezin izango du berriro metodo honen bidez baimenik eskatu. Aipatu dugun metodoa azkarragoa eta erosoagoa da Arabatik kanpo bizi direnentzat, askotan ez baitira Vital Kutxako sukurtsalik aurkitzen.

Hasieran arrantzale bakoitzak har ditzakeen baimen-kopuruak muga hauek izango ditu:

Naturalak heriotzarik gabekoak: 2 arrantzale bakoitzeko eta hamabostaldiko.
Naturalak (heriotzarekin): 1 arrantzale bakoitzeko eta hamabostaldiko.
Tradizionalak : 1 arrantzale bakoitzeko eta hamabostaldiko.
Gamarrako intentsibo barrutia: mugarik gabe.

Mugapen hauek denboraldi aurreratu ahala alda ditzake.

Aipatutako hamabostaldi naturalak izango dira, hau da:
1. hamabostaldia: hilabeteko lehenengo egunetik, hamabost egun arte.
2. hamabostaldia: hilabeteko hamasei egunetik, azken egun arte.